البايثون ماشي هي أفضل حل!!
شحال من واحد تسولو شنو هي افضل لغة برمجة؟!
ايجاوبك باللي هي البايثون!!
و لكن انجاوبك بعكس التيار
بايثون ماشي هي اللغة المناسبة ايلا بغيتي تبرمج التطبيقات للهواتف،
اللغات اللي صالحين للبرمجة هي:
الجافا و الكوتلين بالنسبة لنظام أندرويد
و السويفا بالنسبة لنظام IOS
اما ايلا بغيتي تطور الواجهات الامامية للويب ف الأفضل هي لغة الجافاسكريبت
أما للواجهة الخلفية ف افضل خيار هو PHP
أما ايلا كنتي بغيتي تولي مبرمج ألعاب فأفضل خيار هو C++ ،و بالنسبة لبرمجة برامج سطح المكتب أفضل خيار هو C#
دبا السؤال اللي ايجي ف بالك،اذن باش اتفيدني لغة البايثون؟!؟؟
الجواب:
هاد اللغة ساهلة بزاف بالنسبة لشي واحد جديد ف الضومين و دغية تفهمها،و كيخدمو بها المبرمجين ف تصميم الذكاء الاصطناعي و ف شي مجالات اخرى كتكون معقدة يعني التعلم العميق deep learning
اذن قبل ما تدخل هاد العالم د البرمجة أحسن الاختيار
